Qeveria vazhdon të jetë më pushime sa i takon detyrimeve ndaj popullit.Rreth 200 familje të fshatit Orman të Maliqit prej shumë vitesh vuajnë për ujë të pijshëm. E për këtë problematik që është bazike jetësore, ata sakrifikohen e torturohen duke bërë çdo ditë 3 deri 5 km rrugë që të sigurojnë ujë. Po jo të gjithë kanë mundësi të shkojnë, disave u duhet të shkojnë në punë, disa familjar të tjerë duhet të çojnë fëmijët nëpër shkolla.
I pyetur se për sa kohë qëndron ky problem për të cilën qeveria nuk ka bërë asnjë lloj investimi, një banor i këtij fshati përgjigjet: 30 vjet që kur ka vdekur Enver Hoxha s’ka ujë këtu. Mbushim në Rëmbec, Pendavinj 5 km, Cangonj vemë. Ata që kanë mjete venë e përditë me makinë. Ne njëherë në muaj mbushim e mbajmë brenda. 2-3 orë larg me karroca se me këmbë nuk llogaritet.Duke lënë të nëkuptohet se për periudhë të gjatë kohe, askush nuk është kujtuar edhe nëse kërkesa e tyre ka shkuar disa herë “në vesh” të qeverisë.
“Të punosh tërë ditën si bujk të bëhesh djersë, e të vesh në shtëpitë mos kesh ujë të lahesh”, ka thënë një tjetër banorë.
Bashkia e Maliqit deri një vit më pare kujdesej për furnizimin e tyre me ujë ndërsa këtë vit kjo s’ka ndodhur.
“Deri vjet na sillnin me zjarrfikëse ujë nga dy herë dhe tre here në ditë. Na e shpërndanin po sivjet s’kanë sjellë hiç”.
Sipas banorëve tre here kanë nisur punimet për ujësjellësin dhe rrjetin e tubacioneve.
“Tubacione tre here kanë shtrirë nga Golloborda, Shëngjergji, tani po i bëjnë nga Plasa. Tani vetëm lufta na ka ngelur të marrim dyfekët”.
“Na thane njëherë në prill tani thonë nga tetori”.
U interesuam pranë Bashkisë se Maliqit dhe mësuam se punimet për ujësjellësin e ri përfundojnë në fund të muajit tetor.
