Letonia i ka dhuruar Shqipërisë 30 mijë doza të vaksinës AstraZeneca. Lajmi është bërë i ditur më herët nga ministrja Ogerta Manastirliu, ndërsa pak më parë e konfirmoi edhe Delegacioni i Bashkimit Europian në Shqipëri.
Në njoftim thuhet se vaksina cilësohet si çelësi për të mbrojtur popullatën e për të frenuar përhapjen, ndërsa shtohet se BE do e ndihmojë Shqipërinë në luftën ndaj pandemisë.
“TeamEurope në veprim! #Shqipëria mori sot 30 mijë doza AstraZeneca të vaksinës anti-Covid19 – dhuratë nga Qeveria e Letonisë me transport të mundësuar nga #BE . Vaksinimi është çelësi për të mbrojtur popullatën dhe për të ndaluar përhapjen e virusit. BE do të vazhdojë ta ndihmojë Shqipërinë të mposhtë pandeminë”, shkruan Delegacioni i BE.
