Ish-kryeministri Sali Berisha ka folur në parlament për letrën e ambasadës ruse drejtuar shtetit shqiptar, ku vendi ynë duhet të ndante pozicionin e tij në lidhje me tensionet në Ukrainë.
Berisha e cilësoi një letër kërcënuese dhe një fyerje për çdo shqiptar, ndërsa sipas tij, është gjithashtu një kapitullim i “argatit të Beogradit në Tiranë”, referuar këtu kryeministrit Rama.
“Dua të dënoj këtu letrën kërcënuese të ambasadës ruse këtu në Tiranë drejtuar Shqipërisë dhe dua të theksoj se letra është një fyerje dhe kërcënim për çdo shqiptar dhe është rrjedhojë fund e krye të kapitullimit të argatit të Beogradit në Tiranë Edvin Kristaq Rama para një shantazhi, primitiv, të paprecedentë me të cilin përballet Evropa dhe NATO-ja. Sot Rusia tejkalon si forcë e së keqes çdo forcë në kërcënim që ka njohur historia, kërcënon të përdorë armë bërthamore kundër vendeve të lira, të pushtojë një vend fqinj, bazuar në doktrinën e sovranitetit të kushtëzuar të Brezhnjevit, të përpiqet të shkatërrojë NATO-n dhe vendi i vetëm që ka heshtur si fije bari, është një vend anëtar i NATO-s, por një vend që ka një qeveri të drejtuar nga një argat i Beogradit, vasal i Vuçiçit”, deklaroi Berisha.
Berisha theksoi se parlamenti duhet me urgjencë të votojë një rezolutë ku të shprehë solidaritetin e plotë me Ukrainën.
Discussion about this post