Kryetari i Këshillit Kombëtar të PD, Edi Paloka ka ironizuar një deklaratë të zv.kryeministrit Arben Ahmetaj, i cili flet për ulje të varfërisë dhe emigrimin e të rinjve.
Paloka ri sjellë në kujtesë “darkën e famshme” të qeverisë te “Nusreti”, një ndër restorantet më luksoze në Dubai dhe makinën e shtrenjtë me të cilën lëviz Ahmetaj, teksa shkruan se pastaj del e flet për varfërinë në vend. Ai nuk lë pas as kryeministrin Rama për të cilin thotë se, sipas tij, ka rreth dy muaj që lëviz me charter në botë.
“Ky shkon tek Nusreti në Dubai (1 mijë dollare bifteku) “për të ngrënë një çapë bukë” dhe vjen me Bentley (250 mijë dollarë) në Parlament e pastaj flet për varfërinë e shqiptarëve…! Rama ndërkohë po bën gati dy muaj që shëtit me charter nëpër Botë! Rama, ky dhe ata si ky, vërtetë që nuk e kanë ndërmend të ikin as nga Shqipëria e as nga qeveria po nuk i shporrëm“, shkruan Paloka.
Paloka shkruan se Rama dhe Ahmetaj nuk shporren me grisje letrash, recitime apo beteja boshe në Kuvend, pasi ato janë më komodë se kurrë me këtë situatë.
