Një 36-vjeçar ka rënë në prangat e policisë së Sarandës pasi akuzohet për armëmbajtje pa leje. Mësohet se, bëhet fjalë për Andrea Çaushin, banues në fshatin Kalivaç, Tepelenë.
Shërbimet e Forcës së Posaçme “Shqiponja” pas dyshimeve dhe informacioneve që kishin, i kërkuan që të ndalonte, por 36-vjeçari tentoi t’i shmangej kontrollit fizik, duke u larguar me vrap dhe duke hedhur nga çanta e tij e dorës armën e zjarrit pistoletë, por menjëherë është vënë në pranga.
Në cilësinë e provës materiale u sekuestrua arma e zjarrit tip pistoletë dhe një krehër me fishekë luftarak.
Gjithashtu, në vijim të punës për kapjen e personave në kërkim dhe vënien e tyre para përgjegjësisë penale, uniformat blu arrestuan 64-vjeçarin, Adrian Nuha, pasi ishte shpallur në kërkim, për veprën penale “Shpërdorimi i detyrës”.
Discussion about this post