Pas një aksioni policor, është ndaluar me makinë të blinduar Ramazan Rraja, nipi i deputetit të PS, Rahman Rraja. Aksioni policor është zhvilluar në Qafe-Kashar. Deri më tani nuk dihet se për çfarë është ndaluar Rraja.
Kujtojmë se Ramazan Rraja është një emër i lakuar nga policia, pasi është akuzuar për disa ngjarje, për trafik droge apo dhe për masakrën e Fushë-Krujës, ku u ekzekutuan me rreth 100 plumba kallashnikovi tre të rinjtë Brilant Martinaj, Diklen Vata dhe Besmir Hoxha.
Për akuzat në fjalë, Rraja tha asokohe se sulmohej pasi ishte nip i deputetit të PS, duke mohuar kategorikisht se kishte lidhje me ngjarjen.
Lexo edhe: Atentati mafioz në Fushë Krujë/ Pritet të merren në pyetje Ramazan Rraja dhe Endrit Dokle
Kujtojmë se Ramazan Rraja ka qenë shpallur në kërkim nga policia si një prej tre personave që vitin e shkuar u futën të armatosur dhe maskuar në një lokal në Lezhë.
Nipi i deputetit socialist së bashku me dy bashkëpunëtorët e tjerë, Roan Brahimi e Alesio Dobrozi mësohet se pas ngjarjes kanë dalë nga Rinasi. U dyshua se ata kishin udhëtuar së bashku në drejtim të Dubait.
Ndaj Rrajës gjithashtu rëndon akuza e trafikimit të drogës, nga autoritetet belge, që kanë kërkuar dënimin e tij me 8 vite burg.
Sipas dosjes së prokurorisë belge, banda trafikonte kokainë nëpërmjet Anterp-it dhe më pas e shpërndante në të gjithë Europën Perëndimore si dhe në Turqi e deri në Australi.
Discussion about this post