Me liberalizimin e tregut të energjisë dhe shkëputjen nga Operatori i Shpërndarjes së Energjisë Elektrike bizneset e lidhur në tensionit 20 kV do të duhet të zgjedhin vetë furnizuesin e tyre.
Kjo do të thotë se ata do të duhet të lidhin një kontratë shërbimi me një nga kompanitë e licencuara nga Enti Rregullator i Energjisë në veprimtarinë e furnizimit me energji elektrike. Ndërkohë që, ky dikaster ka njoftuar të gjithë klientët fundorë që plotësojnë kushtet teksnik për daljen të treg të liberalizuar nga data 1 janar 2022, se aktualisht janë 26 kompani të licencuara për të ushtruar këtë aktivitet, ndërkohë që një prej tyre është edhe Furnizuesi i Tregut të Lirë, një prej kompanive të krijuara nga ndarja e OSHEE-së.
Bizneset do të duhet të zgjedhin një prej kompanive furnizuese, me të cilën do të lidhin një kontratë ku ndër të tjera do të vendosin edhe çmimi me të cilin do të sigurohet energjia. Kjo pasi sipas legjislacionit në fuqi furnizimi me energji elektrike i klientëve fundorë bëhet me çmime të parregulluara, i cili përcaktohet në bazë të kontratave të negociuara ndërmjet furnizuesit dhe klientit fundor.
Kontrata, përveç kushteve të përcaktuara në legjislacionin civil, mund të përmbajë edhe kushtetë tjera në varësi të karakterit specifik dhe llojit të shërbimit të ofruar nga furnizuesi sikurse është koha e lidhjes në rrjet të klientit, nivelet e cilësisë së shërbimit të ofruar; parashikimet lidhur me kompensimin dhe rimbursimin, në rast mospërmbushjeje të nivelit të cilësisë së shërbimit të kontraktuar, duke përfshirë këtu edhe faturimin e pasaktë dhe të vonuar.
Po ashtu, kontrata duhet të përmbajë dhe mënyrën e njoftimit të ndryshimit të çmimit dhe të kushteve të tjera të furnizimit me energji elektrike dhe mënyrën e trajtimit dhe zgjidhjes sëmosmarrëveshjeve, si dhe kushte që kufizojnë të drejtën e klientit apo që përcaktojnë tarifa financiare për të ndryshuar furnizuesin e energjisë elektrike.
Ndërkaq, ERE iu bën me dije subjekteve se klientët fundorë që nuk arrijnë të sigurojnë një marrëveshje furnizimi me një nga furnizuesit e licencuar, kanë të drejtë të sigurojnë furnizim me energji nga furnizuesi i mundësisë së fundit, aktivitet që ushtrohet nga Furnizuesi i Shërbimit Universal.
Discussion about this post