Ambasadori austriak, Christoph Weidinger i ka rikonfirmuar kryetarit të Kuvendit të Kosovës, Glauk Konjufca, mbështetjen e Austrisë për liberalizmin dhe për integrimet euro-atlantike.
“Ambasadori Weidinger, duke e vlerësuar shumë të rëndësishëm partneritetin e ndërsjellë, konfirmoi edhe njëherë mbështetjen e Austrisë për Kosovën në procesin e liberalizimit të vizave dhe integrimet euro-atlantike”, shkruhet në njoftimin e kuvendit.
Në takim u fol edhe për procesin e dialogut me Serbinë, ku kryetari Konjufca përsëriti qëndrimin se marrëveshja gjithëpërfshirëse duhet të rezultojë me njohje reciproke.
Ndër të tjera, Konjufca tha se Austria mbetet partner i rëndësishëm për Kosovën dhe shprehu gatishmërinë për intensifikimin e bashkëpunimit në projekte të përbashkëta siç është projekti DEMOS, si dhe në sferën e legjislativit dhe të diplomacisë parlamentare.
Discussion about this post