Udhëheqësi kinez Xi Jinping ftoi të martën presidentin rus Vladimir Putin për të bërë një vizitë të kthimit në Kinë, pavarësisht se ekziston një urdhër arresti ndërkombëtar për liderin rus.
“Ju ftoj të vizitoni Kinën sa më shpejt të jetë e mundur”, tha Xi, ndërsa ftoi për një vizitë edhe kryeministrin rus Mikhail Mishustin.
Xi është në Moskë deri të mërkurën për një vizitë shtetërore tre-ditore.
Gjykata Penale Ndërkombëtare në Hagë (ICC), Holandë lëshoi një urdhër-arresti për Putinin dhe komisioneren e tij për të drejtat e fëmijëve, Maria Lvova-Belova, për deportimin e dyshuar të fëmijëve ukrainas në Rusi.
Rusia pushtoi Ukrainën në shkurt të vitit të kaluar. As Rusia, as Kina dhe as Shtetet e Bashkuara nuk e njohin ICC-në.
Discussion about this post