Mbyllet në barazim 1-1 supersfida mes Atletico Madrid dhe Manchester United. Skuadra e Simeones kaloi menjëherë në avantazh me të riun Joao Felix në minutën e 7’ që e bëri të vështirë ndeshjen e anglezëve. Man United më pas mori në dorë qarkullimin e topit dhe nuk arriti të konkretizonte dot. Vetëm në pjesën e dytë, sërish Elanga ashtu si ndaj Leeds, futet në lojë dhe ndryshon ndeshjen teksa realizoi në minutën e 83’ golin e barazimit. 1-1 dhe gjithçka do të vendoset në kthim në “Old Trafford”.
Ndërsa sfida tjetër ishte emocionuese, madje më e bukur me lojë dhe gola se ajo në “Wanda”. Benfica ka pësuar gola me pikatore nga Ajaxi, por sot pësoi 2 teksa shënoi 2 herë. Ishte Dusan Tadiç që kaloi “Harkëtarët” në avantazh në 18’ ndërsa Haller i pafat në 26’ realizoi një autogol por e korrogjoi vetëm 3 minuta më pas teksa shënoi golin e avantazhit 2-1 për miqtë. Benfica në pjesën e dytë bëri disi më mirë dhe në 72’ me Yaremchuk shënoi për ta mbyllur ndeshjen 2-2 ku edhe kjo përballje do të vendoset në atë të kthimit në Amsterdam.
Discussion about this post