Gjatë mbledhjes së Komisionit të Shëndetësisë, deputeti i PS-së Ilir Pendavinji, ka hedhur në mënyrë demonstrative letrat ku shprehen opinionet e BE-së për ligjin e propozuar nga socialistët për legalizimin e hashashit mjekësor, duke i quajtur dhe paçavure.
Gjatë diskutimit të këtij projektligji, Pendavinji u përplas me kryetaren e komisionit, Zheni Gjergji, e cila pas këtij veprimi të pahijshëm e ka mbyllur mbledhjen duke theksuar se këto janë xheste fyese.
Pendavinji: Komentet deklarative që sygjerojnë se duhet të futen masa mbrojtëse për të parandaluar devijimi e produkteve në fjalë. Roli i parashikuar i Policisë së Shtetit që e ke te neni 9 pika 4 është i zgjidhur, vazhdojmë me paqartësitë.
Duke pasur parasysh implikimet e forta thotë BE të zbatimit të ligjit dhe projektligjit nuk është e qartë pse një përfaqësues i Ministrisë së Brendshme nuk është.
I referohem nenit që këta bëjnë, komisioni i licencave, pika 2, komisioni ka 7 anëtarë, a) 3 përfaqësues nga ministria e Shëndetësië, b) 1 përfaqësues nga ministria përgjegjëse për Rendin dhe e Sigurinë c) 2 përfaqësues nga ministria e Bujqësisë ç) 1 përfaqësues nga ministria e Ekonomisë.
Më fal ku është ky koment sepse nuk ekziston si mund t’i referohesh këtij dokumenti.
Pika b) një përfaqësues nga ministria përgjegjës për Rendin dhe e Sigurinë, ata thonë duke pasur parasysh implikimet e forta të zbatimit të ligjit nuk është e qartë se përse një përfaqësues i ministrisë së Brendshme nuk është përfshirë në komisionin e licencave. Jo nuk është e vërtetë, ekziston ky është zgjidhur ky si rast. Si mund t’i referohemi këtij dokumenti. (hedh dokumentin)
Kryetarja e Komisionit: E para duhet të kesh shumë respekt sepse sjelljet tuaja mund të na çojnë në mbylljen e kësaj seance. Ruani qetësinë e mbyllim këtë seancë dhe hajdeni ditën e premte.
Pendavinji: Si referohem dot. Lexoje se mbase e kuptoni duke e lexuar dy herë.
Nuk mund t’i referohemi një dokumentacioni që thotë pse nuk është përfshirë kur ndërkohë është përfshirë dhe ta thotë që në fillim se ne nuk e kemi lexuar dhe jam i sigurtë që komentet i kanë bërë pa e lexuar ligjin.
Kryetarja e Komisionit: Sjelljet tuaja janë sjellje jo dinjitoze. Parimi im është që të mos fyej njeri dhe nuk të kam fyer por këto hedhjet e letrave janë shumë xheste dhe më vjen shumë keq që shkoi deri këtu kjo lloj seance. Unë mendoj që ne ta mbyllim seancën të vijmë ditën e premte dhe të shikojmë…
Pendavinji: Jo këtë nuk e vendos dot ti. Si mundet që atë paçavure të BE-së të na e pasqyroni këtu si të vërtetë. Paçavure kush e ka përgatitur pavarësisht se e ka bërë BE.
Discussion about this post