Kryetarja e Komisionit të Shëndetësisë dhe Çështjeve Sociale, deputetja e PD Grida Duma deklaroi se në mbledhjen e djeshme të Komisionit është dakordësuar për disa rregullime në ligjin mbi vullnetarizmin, që iu japin mundësi të rinjve të hyjnë në tregun e punës me një ‘patentë’ rekomanduese.
Duma shkruan në Facebook se bëhet fjalë për pagesën për kontributet e sigurime shëndetësore si dhe një adresë dixhitale e vullnetarizmit, ku çdo i ri të dijë ku të aplikojë për të qenë vullnetar e më pas për tu rekomanduar në tregun e punës.
“Seanca e djeshme e Komisionit të Shëndetësisë dhe Çështjeve Sociale trajtoi me sukses ligjin mbi vullnetarizmin. Një arritje e rëndësishme për të rinjtë në tregun e punës. Çdo i ri që mbaron studimet has vështirësinë e parë kur aplikon për punë, pikërisht kur punëmarrësit i kërkojnë eksperiencë pune. Një i ri nuk mund të ketë përvojë pune nëse po kërkon punë për herë të parë. Për këtë e ndihmon certifikata e vullnetarizmin. Pra kryerja e një pune vullnetare në një kohë të caktuar kthehet në “patentën” rekomanduese të tij të hyrjes në tregun e punës. Ligji për Vullnetarizmin, është miratuar në 2016 me iniciativën e dy deputeteve Mehmetaj dhe Caka. Iu rikthyem ligjit sepse me gjithë miratimin para 6 vitesh nuk ka pasur aplikim”, shkruan Duma.
Duma deklaroo se në dy muajt në vijim do të finalizohen në ligj këto rregullime që e bëjnë ligjin të përdorshëm për të rinjtë dhe profesionistët.
Discussion about this post