Gazment Bardhi, kreu i Grupit Parlamentar i PD, u shpreh pasditen e sotme se deputetët e opozitës nuk do të votojnë pro ligjit të paraqitur nga Qeveria, që rrit pagat e anëtarëve të Gjykatës Kushtetuese.
Madje Bardhi tha se edhe deputetë që sot ndodhen në grupimin Basha nuk do e votojnë këtë ligj, edhe pse deputeti Basha mund të votojë pro.
Nga studio e Syri Tv, Bardhi tha se një pjesë e grupit të Bashës të cilët janë aty për bindjet e tyre nuk do të votojnë ndryshime kushtetuese pasi i japin fuqi Ramës dhe dobësojnë opozitën.
“Disa prej deputeteve kanë hequr dorë nga misioni i tyre si opozitar dhe një pjesë tjetër e kolegëve që nuk na janë bashkuar ne por janë pjesë e grupit të Bashës janë opozitare. Ata besojnë një gjë të ndryshme nga unë dhe prandaj janë pjesë e atij grupimi por jam i bindur që në të ardhmen do të na bashkohen.
Ligji për Gjykatën Kushtetuese do të votohet nga Basha, por të garantoj që të paktën tre ose katër koleg që janë pjesë e atij grupimi nuk do të votojnë ndryshime, pasi sipas tyre ata theksojnë që kjo është kapja de-fakto e Gjykatës Kushtetuese.
Fakti se është nxjerrë nga axhenda e ndryshimit të ligjit të Gjykatës Kushtetuese vjen si pasojë e mos arritjes së 84 votave nga Rama-Balla-Basha.
Këta kolegë kur konstatojnë që nga një veprim i caktuar i Bashës dëmtohet opozita dhe fuqizohet Rama, kam bindjen se nuk do të bëhen palë dhe votojnë ata që dëshiron Basha-Rama”, tha Bardhi.
Discussion about this post