Kryeministrja e Italisë, Giorgia Meloni, ka reaguar sërish lidhur me tensionet në Lindjen e Mesme dhe rolin që mund të ketë Italia në këtë situatë, duke theksuar se vendi i saj nuk është në luftë dhe nuk synon të përfshihet në konflikt.
Gjatë një interviste në programin radiofonik “Non stop news” në RTL, Meloni foli edhe për përdorimin e bazave ushtarake amerikane në territorin italian. Ajo theksoi se çdo përdorim i tyre bëhet vetëm në përputhje me marrëveshjet dypalëshe ekzistuese.
Sipas saj, të gjitha palët po respektojnë marrëveshjet përkatëse. Meloni përmendi edhe deklaratën e zëdhënëses së qeverisë spanjolle, e cila një ditë më parë kishte theksuar se përdorimi i bazave ushtarake do të bëhet vetëm brenda kufijve të marrëveshjeve dypalëshe.
Kryeministrja italiane sqaroi se edhe në Itali ekzistojnë tre baza ushtarake të dhëna për përdorim nga Shtetet e Bashkuara, në bazë të marrëveshjeve të vitit 1954, të cilat sipas saj janë përditësuar vazhdimisht ndër vite.
“Më duket se të gjithë po i përmbahen marrëveshjeve dypalëshe. Edhe zëdhënësja spanjolle deklaroi dje se ekziston një marrëveshje dypalëshe dhe se jashtë asaj marrëveshjeje nuk do të ketë asnjë përdorim të bazave. Kjo vlen edhe për ne: në Itali kemi tre baza ushtarake të dhëna për amerikanët në bazë të marrëveshjeve të vitit 1954, të cilat janë përditësuar vazhdimisht”, është shprehur Meloni
Discussion about this post