E ardhmja e futbollistit argjentinas Lionel Messit është në diskutim. Kampioni i Botës është në vitin e fundit të kontratës me Paris Saint Germain në Ligue 1 të Francës dhe rinovimi me kryeqytetasit për momentin ka mbetur pezull. “La Pulga” duket i joshur nga ideja për t’u rikthyer te FC Barcelona, edhe pse nga Shtetet e Bashkuara të Amerikës nuk janë dorëzuar me Inter Miami që insiston për të pasur pjesë të organikës rekordmenin shtat shkurtër.
Së fundmi trajneri i skuadrës, Phil Neville shprehet se klubi i tij gjithnjë synon të transferojë më të mirët dhe i tillë është Messi apo edhe Sergio Busquets që do të mbyllë eksperiencën me “Blaugranat” në fundin e sezonit 2022-2023.
“Në këtë klub ne kërkojmë të transferojmë lojtarët më të mirë në botë dhe Messi është një i tillë. Madje, edhe Busquets që së bashku me Messin janë dalluar së tepërmi në vitet e fundit. Janë lojtarë të mëdhenj që do të sillnin shumë përfitime për kampionatin e MLS. Me ata të dy, do të ndryshonte komplet loja.
Tashmë, mbetet të shihet si do të shkojë kjo sagë e merkatos.
Discussion about this post