Ambasadorja e BE-së në Shqipëri, Christiane Hohmann, i dorëzoi sot Zv.kryeministres Belinda Balluku raportin e Komisionit Europian për Shqipërinë. Në një konferencë të përbashkët me Belinda Ballukun, ambasadorja renditi pikat kryesore të raportit për Shqipërinë.
Ajo shprehet e shqetësuar për lirinë e fjalës në Shqipëri, pasi ambasadorja tha se raporti ngre shqetësim për lirinë e shprehjes dhe se pavarësia e medias pengohet nga bizneset politike. Raporti shpreh gjithashtu keqardhje për atmosferën e akteve të frikësimit të gazetarëve.
“KiE miratoi raportet vjetore të paketës së zgjerimit për vendet që duan të anëtarësohen në BE. Po ua dorëzoj. Të hënën do prezantojmë gjetjet e raportit. Realiteti I ri gjeopolitik, lufta në Ukrainë, i ka afruar më shumë BE-në dhe shtetet e Ballkanit Perëndimor. Lufta ka treguar se perspektiva për në BE është spirance e fortë për paqe dhe begati. Shqipëria ka mbajtur orientim të qartë si partnere e besueshme e BE. Shqipëria i është përmbajtur me 100% politikave të BE-së. Jemi në fazë të re për procesin e anëtarësimit të Shqipërisë në BE. Raporti i këtij viti ofron vlerësim të drejtë të situatës në të cilin ndodhet vendi, ofron dhe udhëzime. Shqipëria pjesë e ligës së parë, Shqipëria do të jetë në monitorim gjithnjë e më të rëndësishëm. Vlerësimi i raportit Shqipëria ka në fokus agjendat e reformave të BE-së. Vijimi i reformës në drejtësi dhe procesi i Vettingut ka vazhduar. Shqipëria ka pasur ecuri dhe në luftën kundër korrupsionit, dhe luftën kundër krimit të organizuar, ka sjellë rezultate të prekshme, të vazhdojnë reformat për ecurinë e sundimit të ligjit. Raporti ngre shqetësim për lirinë e fjalës, pavarësia e medias pengohet nga bizneset politikë. Raporti shpreh keqardhje për atmosferën e akteve të frikësimit të gazetarëve. Kriteret ekonomike, ekonomia shqiptare ka treguar rezistencë”, tha ambasadorja.
Discussion about this post