Bota i jep sot lamtumirën Papa Françeskut. Pas tre ditëve homazhe, liderët botërore dhe mijëra besimtarë do të mblidhen në 10:00 në sheshin e Shën Pjetrit për t’i dhënë lamtumirën Papa Françeskut.
Ceremonia nis në orën 10:00 dhe pritet të zgjasë rreth 1 orë e gjysmë. Pas përfundimit të meshës, trupi i Françeskut do të transportohet në bazilikën e Santa Maria Maggiore në Romë për varrim.
Në videon e mëposhtme nga Vatican Media shihet besimtarët dhe delegacionet nga e gjithë bota që kanë mbërritur në sheshin e “Shën Pjetrit” që në orët e para të mëngjesit të sotëm.
Vatikani thotë se deri në një çerek milion njerëz mund të dynden në shesh dhe një milion të tjerë do të kalojnë rrugën përmes Romës.
Discussion about this post