Liverpool-i i shumë problemeve këtë sezon ia ka dalë të marrë një barazim të vyer 2-2 në shtëpi ndaj Arsenalit kryesues.
Londinezët mund të festonin shumë shpejt, që në minutën e 8-të, pasi Martinelli dërgoi topin në rrjetë. Martinelli u tregua protagonist sërish në minutën e 28-të, por kësaj here me asist, super-krosim për Gabriel Jesus, me brazilianin që “tund rrjetën” pasi koordinohet mirë.
Për të ngushtuar shifrat dhe për të bërë ndeshjen sërish të bukur për t’u parë mendoi Mohammed Salah, egjiptiani ngushtoi shifrat brenda pjesës së parë. Në fillimin e pjesës së dytë, Salah shpërdoroi mundësinë për 2-2, pasi humbi penalltinë.
Në fundin e takimit, të besuarit e Jurgen Klopp do mund të shënonin golin e dytë me Firminon, duke marrë kështu një pikë të rëndësishme. Liverpool renditet në vendin e tetë me 44 pikë, ndërsa Arsenali është i pari me 73 pikë, 6 pikë më shumë se Manchester City.
Discussion about this post