Liverpool duket se ka gjetur lojtarin që do të zëvendësojë Mohamed Salah, të cilit i mbaron kontrata me “të Kuqtë” në fund të sezonit. Egjiptiani do të largohet falas në Arabinë Saudite, aty ku oferta e Al-Hilal do ta bëjë atë futbollistin më të paguar në botë.
E gjendur në këtë situatë, Liverpool është hedhur që tani në sulm për të gjetur zëvendësuesin ideal të Salah. Mediat spanjolle raportojnë se Liverpool ka identifikuar Takefusa Kubo-n si objektivin e tyre kryesor për të zëvendësuar Salah.
Klubi i kuq do t’i ofrojë Real Sociedad-it një shifër të lartë ekonomike si dhe tre lojtarë për ta zbutur klauzolën e tij të lirimit prej 60 milionë eurosh. Bëhet fjalë për Federico Chiesa, Wataru Endo dhe Harvey Elliot, të cilët do të “sakrifikohen” në fund të sezonit për t’u transferuar në Spanjë në këmbim të Kubo.
Japonezi ka qenë pjesë e akademisë së Barcelonës, ndërsa në vitin 2019 u transferua me shumë bujë te Real Madrid, por nuk gjeti dot hapësira dhe më pas erdhën disa huazime rresht. Në vitin 2022 u transferua përfundimisht te Real Sociedad, aty ku është kthyer në një lider të vërtetë dhe ka tërhequr vëmendjen e shumë klubeve të mëdha.
Discussion about this post