Liverpool vijon të qëndrojë në krye të Premier League. “The Reds” arritën të thyenin vetëm në limitet e kohës shtesë, Nottingham Forest, për të marrë një fitore të vuajtur në transfertë 0-1. Hero për skuadrën e Klopp ishte Darvin Nunez, që shënoi në minutën e 99-të për t’i dhënë epërsinë e katër pikëve ndaj City-t ndjekës.
Armando Broja luan më pak se 10 minuta në fitoren 3-0 që Fulham shënoi ndaj Brighton. Sulmuesi shqiptar u aktivizua në fushë në minutën e 84-ët, por pa arritur të lë gjurmë në takimin e tretë për të që prej huazimit nga Chelsea.
Fitore me përmbysje regjistroi Tottenham, 3-1 ndaj Crystal Palace. Londinezët blindojnë zonën Europiane pas kësaj fitoreje, teksa mbeten në lojë për biletën në Ligën e Kampionëve të sezonit të ardhshëm.
Barazim spektakolar, 2-2 mes Brentford dhe Chelsea. Blutë e Londrës shmangën humbjen në minutën e 83-të, teksa për vendasit qëndroi në stol portieri i kombëtares Thomas Strakosha.
Discussion about this post