Pa u bërë tamam një muaj, Glejdan Llatja firmos tenderin tjetër me mikun e tij Asllan Hastoçi. Me 26 janar 2023, kryebashkiaku i Elbasanit i dha firmës “HASTOÇI” Sh.p.k 145 milionë lekë për rikonstruksionin e një rruge. Ndërsa ditën e sotme kanë firmosur një tjetër kontratë, sërish për riparim të dy rrugicave në qytetin e Elbasanit. Bëhet fjalë për tenderin me objekt “Rikonstruksion i gjendjes faktike të rrugës “Marije Buda” dhe “Hamdi Roseni”. Për këtë tender do të shpenzohen 176 milionë lekë. Pra, ia ka shtuar fondin Llatja mikut Hastoçi.
Edhe këtë tender, si ai i janarit, “HASTOÇI” e ka marrë pa garë fare.
Në total kanë qenë katër firma që kanë paraqitur ofertat e tyre. Por, tri kompanitë e tjera janë skualifikuar: njëra se nuk ka deklaruar stafin teknik, ndërsa tjetra ka dorëzuar me vonesë dokumentet. Në fazën e dytë mbeti vetëm firma e Hastoçit. Dhe u shpall fituese menjëherë, pa u ndjekur procedurat që kërkon ligji.
Madje kjo firmë ka paraqitur ofertën më të shtrenjtë. Llatja ka injoruar 3 ofertat e tjera më të lira, të cilat kanë pranuar të kryejnë këtë shërbim me 30 milionë lekë më pak. Kujtojmë se kaq lekë u dhanë për kontratën e Janarit.
Këtu lindin dyshimet se pse Llatja do të shpenzojë më shumë për këtë projekt, kur është i ngjashëm për nga shpenzimet dhe punimet si i ai pari?
Kështu, me tri shkelje si, mungesë konkurrence, fondi i fryrë dhe oferta më e shtrenjtë, Llatja nënshkroi kontratën e radhës me paratë e taksapaguesve.
Asllan Hastoçi është një biznesmen i njohur për bashkëpunimet në korrupsionin me prokurimet. 2.5 miliardë lekë ka përfituar firma e tij vetëm më tenderët në 3 vitet e fundit. Pjesa më e madhe e tyre, të firmosura në shkelje.
Duhet të kumtojmë se në vitin 2021, Hastoçi ka qenë në hetim për shkak si një nga fituesit e tenderëve korruptiv të policisë. Në kohën kur drejtësia po ziente për tenderët e Uniformave të policëve, Asllan Hastoçi nuk trembej fare dhe në fshehtësi përlau tenderin për rikonstruksionin e objekteve të policisë në Dibër duke paraqitur ofertën më të lartë. Kompanitë me ofertë 500 mijë USD më të ulët u përjashtuan, pasi “nuk kishin të punësuar mjekë dhe specialistë për ndihmën e parë”!
Hastoçi e fitoi këtë tender pa plotësuar kriteret e përcaktuara. Për këtë, SPAK-u e futi kontratën në fjalë në listën e tenderëve nën hetim.
Lexo edhe: Asfalt për zgjedhjet/ Gledjan Llatja i jep Asllan Hastoçit 145 mln lekë pa garë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post