Kryetari i Bashkisë Elbasan, Gledjan Llatja, rikthen sërish në aferën e tenderëve patriotët e tij, “Vëllezërit Hysa”. Pas shumë denoncimesh që u bënë në media për kontratat korruptive që përfitonte kjo kompani, për disa kohë nuk u ndjenë më nëpër gara. Por, në prag festash, Llatja po i rikthen fuqishëm Hysajt. Jo pak, por mbi 1.5 miliardë lekë iu derdhen në arkë pa garë.
Bëhet fjalë për tenderin me numër reference REF-47777-10-28-2022 me objekt “Rikonstruksion dhe riasfaltim i gjendjes ekzistuese të rrugëve dhe shesheve në Bashkinë Elbasan (lagj.Haxhias, lagj, Clirimi, lagj.Shënkoll, lagj. Dyli Haxhire, lagj.Partizani) Nj.Ad. Shushicë, Shirgjan, Gjergjan, Bradashesh, Labinot Mal, Labinot Fushë”.
Pra, Llatja ka vendosur të shpenzojë 151 666 667,00 lekë për rrugicat e fshatrave të Elbasanit. Meqenëse bëhet para zgjdhjeve, ky tender duket qartë që është prokurim elektoral. Kryebashkiaku Llatja ka menduar këto vite të mandatit të tij vetëm për harxhime për mallra konsumi e pajisje, por në fund u kujtua për këto rrugica. Janë shumë para që hidhen në drejtime të ndryshme. Dhe rrezikohet që rikonstruksioni të përfundojë në një shpërdorim dhe përvetësim banal të fondeve.
Tenderi pa garë
Tendenca për ta përdorur sa për fushatë dhe për të abuzuar me këtë shumë parash duket nga mënyra se si është zhvilluar tenderi. Nga dokumentet evidentohet se kontrata i është dhënë kompanisë “Vëllezërit Hysa” pa një konkurrencë sikur e kërkon ligji. Katër kompani kanë paraqitur interes për këtë prokurim, madje njëra prej tyre ofertë më të lirë se fituesi. Por, Llatja i ka skualifikuar menjëherë nga gara me justifikimin se nuk kanë dërguar vërtetim që kanë të punësuar në staf inxhinierë elektrik.
Me këto kritere burokratike ka mbetur në garë vetëm firma “Vëllezërit Hysa” e Kujtim dhe Besnik Hysës. Pa u menduar gjatë, Llatja ka firmosur kontratën me ta në shkelje të ligjit. Për këtë, Open Data Albania i ka dhënë këtij tenderi “Flamurin e Kuq”
Oferta më e lirë e skualifikuar tregon se këto punime realisht mund të mbyllen me më pak shpenzime. Ndërkaq, sipas shpalljes së fituesit nga Bashkia, totali i çmimeve për njësi dhe vlera e pritshme e kontratave është 266,934 lekë (pa tvsh). Kjo shifër nuk tregon se sa është totali i vlerës së punimeve që ka ofruar kompania, në mënyrë të që të krahasohet me fondin limit. Pas zgjedhjeve, ndoshta do ta kuptojmë të plotë pasqyrën e këtij abuzimi me investimin e bashkisë Elbasan.
Lexo edhe: Tendera pa garë/ Llatja favorizon Blerina Sadikun
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post