Llixhat e Bënjës në Përmet, të njohura për bukurinë dhe ujërat e tyre termalë, po kthehen nga një atraksion natyror në një zonë të betonizuar.
Vaskat natyrore po zëvendësohen me struktura artificiale, duke kërcënuar ekosistemet që jetonin aty dhe duke ndryshuar ekuilibrin natyror të ujit.
Në pamjet e mëposhtme shihen disa fadroma dhe kamionë që punojnë për të shkatërruar formacionet natyrore, ndërkohë që pushuesit vazhdojnë të përdorin ujërat termalë.
Ekspertët paralajmërojnë se ky betonim jo vetëm që prish ekosistemet ekzistuese, por rrit edhe nevojën për mirëmbajtje të shpeshtë dhe mund të dëmtojë cilësinë e ujit.
Forma natyrore e vaskave, që ndihmonte në ngadalësimin e rrjedhës së ujit dhe ruajtjen e jetës së bimëve dhe kafshëve, po zëvendësohet me struktura që favorizojnë erozionin dhe degradimin afatgjatë. Ndikimi pritet të jetë i rëndë jo vetëm për natyrën, por edhe për turizmin dhe ekonominë lokale në të ardhmen.
Discussion about this post