Pas Vlorës policia ka zhvilluar një operacion blic në Fier. Tre persona janë vënë në pranga për veprat penale “Organizim i lotarive të palejuara”, ”Vënia në dispozicion e lokaleve për lojëra të palejuara,” “Fshehje e të ardhurave” dhe “Punësim i paligjshëm”. Në njoftimin e policisë bëhet me dije se është arrestuar Irakli Mëngjezi, 26 vjeç, punonjës në një lokal ku ushtrohej veprimtaria e paligjshme e lojërave të fatit. Pronari i tij, Shkëlzen Babolli është shpallur në kërkim.
U arrestua në flagrancë Dashamir Dauti, 37 vjeç, banues në Fier, pasi në lokalin në pronësi të tij në lagjen “Kastrioti” ushtronte aktivitetin e paligjshëm të lojrave të fatit dhe basteve sportive.
U sekuestrua në cilësinë e provës materiale aparati celular. Në njoftimin e policisë bëhet me dije se është arrestuar në flagrancë Avni Dauti., 47 vjeç, banues në Fier, pasi në lokalin në pronësi të tij në lagjen “Apollonia” ushtronte aktivitetin e paligjshëm të lojrave të fatit dhe basteve sportive.U sekuestrua në cilësinë e provës materiale një aparat celular.
Discussion about this post