Lojërat Olimpike, mundësi Valiev kualifikohet në çerekfinale

Chermen Valiev, mundësi rus që përfaqëson Shqipërinë, ka arritur të kualifikohet në fazën çerekfinale të turneut që po zhvillohet në Paris në kuadër të Lojërave Olimpike.

Valiev garon për peshën deri në 74 kg dhe në raundin e parë kishte përballë mundësin nga Azerbaxhani, Turan Bayramov. Pjesa e parë foli për sportistin nga Azerbaxhani i cili e mbylli në avantazh të tre pikëve përballë Valiev. Në të dytën, sportisti që përfaqëson ngjyrat e Shqipërisë përmbysi rezultatin duke fituar në fund me rezultatin e përgjithshëm 4-3.

Në fazën çerekfinale, Valiev do të ndeshet me mundësin nga Uzbekistani Razambek Zhamalov, i cili fazën e parë e fitoi me rezultatin 11-3 përballë sllovakut Tajmuraz Salkazanov.