Real Madridi është i vëmendshëm në merkato. Duhen përforcime për sezonin e ardhshëm dhe pa asgjë në lojë, ka nisur planifikimi.
Ka disa pozicione që duhet të përforcohen. Gjithashtu duhet zgjidhur e ardhmja e disa lojtarëve të cilëve u përfundon kontrata dhe nuk është e qartë nëse ata do të rinovojnë apo nëse do të largohen. Dhe pastaj ata janë duke pritur për ata që mund të mbërrijnë.
Në orët e fundit, Real Madrid ka marrë një telefonatë nga një ndërmjetës i cili ka ofruar edhe një herë nënshkrimin e Milinkoviç-Savic, siç kanë mundur të mësojnë mediat pranë Real Madridit.
Mesfushori serb i Lacios ka ëndërruar gjithmonë të luajë për të bardhët. Madje, emri i tij është lidhur disa herë me një nënshkrim të mundshëm.
Vetë Real Madridi ishte i interesuar për të vite më parë, me Zidanin në krye që ishte ai që insistoi më shumë për të, megjithatë ai nuk hyn më në planet e klubit.
Ky ndërmjetës ka ofruar nënshkrimin e lojtarit në mënyrë ‘të dëshpëruar’, si një përpjekje e fundit për të parë nëse Madridi mund të interesohet për të, megjithatë ai do të duhet të shkojë në një klub tjetër sepse mbretërorët nuk janë të interesuar.
Milani ka shfaqur interes të madh ditët e fundit dhe Premier League do të ishte vend i shkëlqyer për një lojtar si ai, por dyert e Bernabeut janë të mbyllura.
Pavarësisht ofertës, për të përforcuar bërthamën e mesfushës, pas ardhjes së Tchouaméni dhe Camavinga, emri i zgjedhur është Bellingham, prandaj nuk e ka vend të lirë për lojtarin serb.
Discussion about this post