Mesfushori i Juventusit, Manuel Lokateli ka folur në lidhje me debutimin në ligën e kampionëve. Ai ka theksuar se kishte shumë emocione gjatë minutave të para.
“Këtë ndeshje nuk mund ta humbnin absolutisht, pasi na nevojiteshin tri pikë, jo vetëm për ta nisur mbarë Champions-in, por për të qetësuar edhe disi tifozët, por edhe vetë ne futbollistët, pas tri ndeshjeve aspak të mira në Serinë A. Si e përjetova debutimin?
E vërteta është që për disa minuta luajta me të dridhura në trup. Ishte diçka speciale, e veçantë, të cilën e kisha pritur shumë, por më pas i thashë vetes se duhet të mendoja të luaja dhe mendoj se bëra dhe bëmë të gjithë një ndeshje të madhe”.
