Skuadra e Kukësit përballet me Skënderbeun në sfidën e vlefshme për javën e tetë të kampionatit shqiptar. Verilindorët synojnë të rikthehen tek fitorja pas humbjes ndaj Egnatias në kupë. Trajneri i Kukësit Diego Longo analizon vigjiljen e kësaj përballje teksa thekson se Skënderbeu mbetet ekip i fortë edhe pse nuk është shprehur mirë javët e para.
“Ne duam të tregojmë veten se nuk jemi ata të Kupës, jemi shumë të motivuar për këtë ndeshje. Çfarë ndodhi në Kupë? Nuk luajtëm si e përgatitëm ndeshjen, ndonjëherë ndodh. Më mirë që ndodhi tani, kemi 80% mundësi për të kaluar në çerekfinale.
Janë shumë të organizuar në mbrojtje, Vllaznia nuk fitoi atje, e dimë si fitoi Dinamo, me një gabim të arbitrit. Ata luftojnë, i njohim dhe e dimë që janë ekip i rrezikshëm. Një barazim për ta do ishte fantastik, ne duam të fitojmë çdo ndeshje. Po e bëjmë për veten dhe për të gjithë njerëzit në Kukës.
Kalendari është problem për të gjithë skuadrat, nuk e kuptoj pse ka dy ture Kupa. Të gjitha kolegët e mi nuk janë të lumtur. Edhe fushat janë problem, ndaj Egnatias fusha ishte skandaloze prandaj deri në një pikë të caktuar do ishte mirë që ndeshjet e Kupës të ishin me një takim”, tha Longo.
Discussion about this post