Situata brenda klubit të Kukësit duket se nuk është aspak pozitive, me trajnerin italian Diego Longo i cili thuhet se ka vendosur largimin nga Verilindorët.
Ai e paralajmëroi këtë gjë edhe në konferencën e dhënë pas humbjen 2-3 ndaj skuadrës së Teutës, në takimin e javës së katërt të Abissnet Superiore.
Pas këtij takimi ai ka shkuar në dhomat e zhveshjes dhe i ka komunikuar këtë vendim lojtarëve, teksa sot pritet të udhëtojë drejt Italisë, ku do të qëndrojë disa ditë me familjen e tij, pasi nuk do të ketë ndeshje deri më 17 tetor për shkak të kualifikueseve të Botërorit.
Tekniku është i pakënaqur nga klubi pasi ka pasur ndërhyrje në formacion për lojtarët që do të aktivizohen apo jo gjatë ndeshjes dhe kjo është arsyeja pse është duke e marrë seriozisht në konsideratë largimin.
Ndërsa mbetet për t’u parë se çfarë do të ndodh në ditët në vijim, pasi mbrëmjen e të dielës presidenti i Verilindorëve, Safet Gjici e mohoi një largim të mundshëm të Longos./K.T/Gijotina.com
