Diego Longo u shfaq shumë i emocionuar pas fitores ndaj skuadrës së Dinamos. Italiani komplimentoi lojtarët dhe theksoi se presidenti Gjici është pasionant.
“Ndonjëherë duhet të mbrohesh shumë për të qenë të sigurt. Ne nuk pësuam dhe kjo është hera e dytë radhazi që nuk pësojmë. Jam shumë i kënaqur dhe krenar për futbollistët e mirë.
Krahasimi me Ksanthin? Po, nga mentaliteti mund të ngjasojnë, por jo nga stili. Janë dy kampionate të ndryshme, ambiente të ndryshme.
Sa i përket krahasimit mes presidentëve, mund të them se i dua të dy, janë të pasionuar por dua që të më respektojnë dhe mua”, theksoi trajneri i Kukësit, Diego Longo.
