Pas përfundimit të sfidës mes Skënderbeut dhe Kukësit, ku këta të fundit humbën me rezultatin 2-1, trajneri i verilindorëve është treguar mjaft i ashpër me skuadrën e tij.
Në komentin pas ndeshjes, ai thekson se skuadra gaboi plotësisht me ate çfarë duhet të jepte në fushë:
“Është fakt që Skënderbeu luajti si luan në shtëpi. Ata qëndrojnë mbrapa dhe luajnë me këtë top të gjatë për lojtarin para në kundërsulm. Ndaj duhej të kontrollonim ndeshjen, të ishim të duruar, se mund të kontrollonim deri në fund. Në pjesën e parë bëmë mirë dhe kontrolluam lojën, në pjesën e dytë, kur duhej të ndryshonim shpejtësinë, pësuam këtë gol dhe na iku mendja. Na iku mendja si fëmijë dhe kjo nuk duhet të ndodhte.”
“Pas këtij goli të parë ne duhej të menaxhonim lojën e jo të shkonim më lart e linim vetëm një lojtar në mbrojtje se kjo nuk është loja jonë. Pësuam golin e dytë dhe po të ishte 1-0 mund të shënosh, por kështu nuk duhet të humbësh.”
“Është e vërtetë që Kukësi nuk ishte i njëjti sot, por nuk ishte i njëjti kundërshtar me të Kupës. Nëse rrezikon shumë, rrezikon të humbësh ndeshjen si ndodhi, duhet të jesh i balancuar. Lodhja në Kupë nuk është një alibi, në Kupë luajtën të gjithë ekipet.”
“Do të analizojmë situatën në goditjen e dënimit, e gjithë skuadra është përgjegjëse se duhet të sulmosh topin. Është e pamundur të pësosh një gol me një goditje nga 35 metra, jam më shumë i zhgënjyer për golin e dytë. Një goditje dënimi mund të ndodhë, por goli i dytë jo, në futboll profesionist jo”, tha Longo
Discussion about this post