Reali i Madridit mbylli llogaritë e kualifikimit me Manchester City me një fitore 1-2, ndërkohë që ndeshjen e parë e kishte fituar 3-0. Blancos
Në Etihad Stadium, Manchester City pa t’i komplikoheshin llogaritë për përmbysjen e madhe që në minutën e 20-të, kur Bernardo Silva ndaloi me krah një top që po shkonte drejt portës së Donnarummës, duke u ndëshkuar me karton të kuq, ndërsa Reali i Madridit fitoi një 11-metërsh që u ekzekutua saktë nga Vinicius, me Los Blancos që morën avantazhin 1-0.
Por pak para fundit të pjesës së parë, Erling Haaland arriti të gjejë rrugën e rrjetës, duke barazuar shifrat në 1-1, me të cilat u mbyll edhe pjesa e parë.
Në pjesën e dytë, Manchester City-t iu anulua një gol që do ta çonte rezultatin 2-1, për pozicion jashtë loje të Doku.
Në minutat e fundit, ishte sërish Vinicius që shënoi për madrilenët, duke mbyllur përfundimisht llogaritë.
Pavarësisht dëshirës dhe krenarisë së shfaqur në fushë, ai që siguroi kualifikimin për në çerekfinale ishte Reali i Madridit, që si kundërshtar të radhës pritet të ketë një makineri si Bayerni i Mynihut, që do të presë Atalantën në Mynih me avantazhin 6-1 të ndeshjes së parë.
gijotina.com/
Discussion about this post