Deputeti i Partisë Demokratike, Helidon Bushati ka deklaruar se për lotin e parë të Unazës së Madhe, janë shtuar papritur 5 miliardë lekë.
Në reagimin e tij, ai Bushati thotë se këto para u dhanë për një punë tashmë të prokuruar një herë duke shtuar se nëse nuk ka një ndryshim projekti për arsye madhore, çdokush me të drejtë mendon se 5 miliardë të shtuara janë paja e një qoke të re, në aferat e vjetra me Unazën e Madhe të Tiranës.
Bushati thekson se autoritetet, Ministria e Infrastrukturës dhe ARRSH janë nën akuzë para këtyre të dhënave.
“Është zbuluar sot në media, se për lotin e parë të Unazës së Madhe, janë shtuar papritur 5 miliardë lekë. Asnjë shpjegim përse në mënyrë të beftë, u dhanë edhe rreth 5 milionë euro për një punë tashmë të prokuruar një herë.
Çfarë ndodhi vallë, cilat rrethana ndryshuan për një shtesë në buxhet në këto përmasa?
Dyshimet e arsyeshme janë se kjo ka të bëjë me orekset në rritje të rilindjes për të përfituar sa më shumë nga pushteti. Autoritetet, Ministria e Infrastrukturës dhe ARRSH janë nën akuzë para këtyre të dhënave. Duhet transparencë dhe e menjëhershme.
Nëse nuk ka një ndryshim projekti për arsye madhore, çdokush me të drejtë mendon se 5 miliardë të shtuara janë paja e një qoke të re, në aferat e vjetra me Unazën e Madhe të Tiranës. ARRSH duhet te përgjigjet nëse anulimi i pare i këtij loti është bere me qëllim për ta fituar oligarku që duhej ta fitonte që herën e parë por që për arsye teknike nuk arriti” – është shprehur Bushati.
Kujtojmë se më herët Gijotina.com ka bërë me dije këtë ndryshim të ARRSH për një tjetër tender shtesë për projektin e Unazës së Madhe, pikërisht të Lotit 1, duke shtuar zhvatjen e parave publike për këtë investim. Në një njoftim publik, ARRSH deklaron se ka miratuar projekt-preventivin e objektit: “Studim Projektim, Rishikim i projektit për segmentin rrugor të vazhdimit të Unazës së Madhe të Tiranës nga Sheshi Shqiponja Bulevardi i Ri” dhe përmes APP ka shpallur tenderin prej 2.375.552.033,75 lekë, ose rreth 20 milionë euro.
Discussion about this post