Prej disa ditësh banorët e “5 Majit” po protestojnë për shembjen e shtëpive të tyre, nga Bashkia Tiranë, me argumentin se janë të pabanueshme nga tërmeti i 26 nëntorit 2019.
Nënkryetari i Bashkisë, Arbjan Mazniku u shpreh se banorët do të përfitojnë banesa të reja ndonëse një pjesë e tyre janë të palegalizuara.Gjithsem, në fazën e parë, sipas Maznikut janë prekur 135 prona private, nga të cilat 84 kanë qenë pasuri e pronarëve si biznese, truall dhe shtëpi, 51 kanë qenë ndërtesa në proces legalizimi por që për arsye të ndryshme nuk janë legalizuar.
“Të gjithë personat që kane pasur një pronë në emrin e tyre do të marrin metrat e ndërtimit që kanë pasur dhe plus për tokën. Ata që kane qenë në proces legalizimi do përfitojnë të gjithë metrat e objektit. Një pjesë ka firmosur kontratat”, tha Mazniku.
Gjatë kohës që do të punohet për ndërtimin e këtyre banesave, nënkryetari i Bashkisë thekson se të gjitha familjet do të trajtohen me bonus qeraje.
Ndonëse se Mazniku u shpreh se me pjesën më të madhe të banorëve nuk ka patur probleme, banorët e “5 Majit” vijojnë protesta, por lidhur me këtë fakt ai u shpreh se protestuesit nuk kanë asnjë lidhje ligjore apo të dokumentuar me pronën apo ndërtesës, dhe se po përdoren për qëllime politike.
“Kemi një grup të vogël njerëzish në protestë, pjesa dërmuese e tyre nuk ka lidhje me pronën. Ky është grupi i vogël i cili edhe në shtysën politike ka krijuar zhurmë”, theksoi Mazniku.
Discussion about this post