Në seancën që është zhvilluar sot në KAS, përfaqësuesi i Lëvizjes Socialiste për Integrim, Altin Kaziaj deklaroi se emigrantët që erdhën nga Greqia dhe Maqedonia e Veriut u ruajtën me policë në shtëpinë tyre, për të mos lejuar të shkonin në zgjedhje.
“Qytetarët e Dropullit nuk e ushtruan të drejtën e tyre për të votuar. Urdhri për ‘vetëkarantinimin e detyrueshëm’, për një periudhë dy javore për të gjithë shtetasit që hyjnë në Shqipëri nga Maqedonia e Veriut dhe nga Greqia ka ndikuar drejtpërdrejt në pjesëmarrjen dhe rezultatin e votimit në zonën zgjedhje Qarku Gjirokastër. LSI do të dilte forcë e parë“, tha ai.
Kujtojmë se rreth një javë para zgjedhjeve, Komiteti Teknik i Ekspertëve vendosi masën e karantinës dy javore për të ardhurit nga Greqia dhe Maqedonia e Veriut, ndërsa vetëm një javë më pas, e hodhi poshtë këtë masë.
