Nënkryetari i LSI Petrit Vasili ka folur sot mbi reformën në drejtësi, ku ka thënë se pavarësisht se kanë kaluar 6 vjet nga miratimi i saj, sistemi i drejtësisë nuk ka bërë progres të dukshëm për shkak se bllokohet nga mazhoranca dhe më së shumti nga vetë kryeministri Rama. Ndër të tjera ai akuzon qeverinë se po e bllokon qëllimisht kompletimin e Gjykatës Kushtetuese, ndërsa tregon se vetë qeveria ka shkelur rregullat dhe afatet që përcakton reforma në drejtësi.
“Reforma në drejtësi, në vitin e 6 të saj.
Ajo ka vetëm një armik, kryeministri dhe mazhoranca pasi për ta ose e sabotojnë që të zbatohet siç duan. Jo në pak raste, kam sqaruar si është miratuar kjo reformë dhe si po zbatohet. 3 elemente nisi si një moment politik për një drejtësi më të mirë, pa influenca politike, me analizë të detajuar dhe mbi pikat e saj do bëhej ndryshimi. Hartimi i pikave iu la ekspertëve të pavarur, parlamentit iu la roli certefikues.
Tani përveçse po bllokohet qëllimisht si reformë, dhe sot jemi akoma me Gjykatë Kushtetuese të paplotësuar. Të gjitha afatet e saj janë shkelur dhe pa pikë përgjegjësie, 10 ligjet e saj u votuan nga ky parlament palaço dhe ikën”, tha ai.
Sipas Vasilit, sistemi i drejtësisë është futur në kolaps sepse institucionet janë të kapur nga qeverisë. Sipas tij është e patolerueshme që qeveria nuk ka gati një plan se si duhet të zëvendësoje ata që u shkarkuan nga vettingu. I bindur, Vasili tha se pas komisionit të vettingut qëndron vetë kryeministri.
Qeveria e mera në dorë dhe bën si do, pra kjo është situata faktike, në rrafshin konkret çfarë ndodh? Një gjyqtar që ka pasur 200 dosje, tani ka 2000 dosje, fatet e mijëra njerëzve nuk dihen, prokuroria është në mëshirë të fatit, ndërkohë që krimi është në pikun e vet. Gjykatat e Apelit janë nën gjysmën e tyre dhe ka një krizë të madhe.
Po ashtu në Gjykatën Administrative dhe i gjithë sistemi gjyqësor është në kolaps.
Si do zëvendësohen këta që u ndoqën penalisht, drejtësia e re duhet të ketë gjykime të sakta dhe të parrëzueshme. Kemi banalietete me drejtuesit e sistemit të drejtësisë, janë qesharakë dhe pohojnë që nuk kanë marrë as fonde minimale. Këta u shqyen për një vend pune.
Ku jemi në raport me reformën?
Vetingu jo nga opozita, por organizmat joqeveritare është goditur fort. Kemi parë gjyqtarë që kanë ikur për 1 milionë lekë të vjetra, apo ai tjetri me 100 e ca milionë të pajustifikuara dhe nuk u mor asnjë masë. Kontrolli i pasurive dhe integriteti i figurës ishte ndër shtyllat kryesore të vetingut”, u shpreh Vasili.
Sipas Vasilit, me këtë qeve as për 6 vite të tjera reforma në drejtësi nuk ka për të dhënë efekt.
E.H/ gijotina.com/
