Ish-deputeti, Spartak Braho, ka bërë akuza të forta ditën e sotme dhe ka hedhur dyshime mbi zyrtarët e Bashkisë Durrës. Gjatë një interviste televizive ai ka publikuar një foto, në të cilën shihen në një restorant Vangjush Dako, Emirjana Sako dhe disa anëtarë të PS në Durrës. Braho tha se këtë foto ia ka dërguar kamerieri i lokalit, ndërsa shtoi se Sakon do ta marrë në qafë Vangjush Dako. Duke e cilësuar këtë të fundit si koka e krimit, Braho tha se ai përdor Sakon për të vazhduar aferat e tij në Bashkinë Durrës.
“Ky është sekti mafioz i Durrësit, zoti Dako i shpallur non -grata, koka e mafies në Durrës. Ka mbledhur sektin e tij dhe po drekojnë në Kodrën e Kuajve në Durrës. Kjo (Emirjana Sako) është etiketuar si personi që luan me muzikën valsin e kompozuar Vangjushi. Nuk dua të jem i ashpër me të. Është arkitekte e mirë, por do e marrë në qafë Vangjushi. Ai është si miu, fshihet nëpër rrugët e Durrësit, nuk del e ka vajtur të ndyjë aktivin e partisë në Durrës. Fotografinë ma ka dërguar kamarieri i lokalit”, tha ai. Braho paralajmëroi se foto të tjera do të dalin, ku të tregojnë se Dako është strumbullari i krimeve dhe korrupsionit në Durrës.
Discussion about this post