Policia e Beratit ka arrestuar 2 persona si dhe si dhe ka proceduar penalisht 3 të tjerë të cilët u kapën duke ushtruar aktivitetin e llotove sportive në ambientet e një lokali.
Specialistët e Seksionit për Hetimin e Krimit në Komisariatin e Policisë Berat dhe Stacionin e Policisë Dimal konstatuan dy raste të ushtrimit të aktivitetit të paligjshëm të lojërave të fatit online.
Në përfundim të veprimeve hetimore, u arrestuan personat me iniciale L.V., 53 vjeç, dhe F.K., 36 vjeç, banues në lagjen “Donika Kastrioti”, Berat, pasi gjatë kontrollit në ambientet e lokalit në pronësi të personit me iniciale L.V u konstatua duke ushtruar aktivitetin e lojërave të fatit, lloto sporti online personi me ininicialet F.K.
Gjithashtu është proceduar penalisht tre të tjerë, A.K., 20 vjeç, V.B., 46 vjeç dhe D.P., 21 vjeç, banues në Dimal, pasi gjatë kontrollit në ambientet e lokalit në pronësi të A.K, u konstatuan duke ushtruar aktivitetin e lojërave të fatit, lloto sporti online personat V.B dhe D.P.
Në cilësinë e provës materiale u sekuestruan 3 aparate celular, të cilët dyshohet se përdoreshin për ushtrimin e aktivitetit të lojërave të fatit.
Materialet procedurale i kaluan Prokurorisë pranë Gjykatës së Shkallës së Parë Berat, për veprime të mëtejshme.
Discussion about this post