Lubonja: Qeveria e re, vazhdimësi e frymës autokratike të Ramës me ministra kukulla

Analisti Fatos Lubonja ka komentuar formimin e qeverisë së re nga kryeministri Rama

Sipas tij, kabineti është një vazhdimësi e frymës autokratike të Edi Ramës, ku ministrat luajnë rolin e kukullave. Lubonja theksoi se vendimet merren në prapaskenë, ndërsa pushteti kontrollohet nga një lidhje e ngushtë mes qeverisë, oligarkëve dhe krimit të organizuar.

Ai shtoi se edhe mbështetja ndërkombëtare i jep Ramës legjitimitet në këtë sistem të mbyllur pushteti.

“Ishte një qeveri e vazhdimësisë, e të njëjtës frymë. Me vazhdimësi kuptojmë rritjen e frymës autokratike të Edi Ramës, ku ministrat gjithmonë e më shumë kanë rolin e kukullave në skenë, ndërkohë që fijet e vendimeve merren në prapaskenë. Edhe oligarkët që dikur ishin me Berishën, sot janë me Ramën.

Mediat e oligarkisë janë në kontroll të Edi Ramës. Krimi i organizuar mban sot ekonominë shqiptare. Pjesa e katërt që i jep legjitimitet Ramës është mbështetja ndërkombëtare. Ministrat janë kukullat që vendosen për të mbuluar këtë që ndodh në prapaskenë.

Kur fola për 4 këmbët e pushtetit të Ramës fola dhe për mbështetjen ndërkombëtare. Që të fitosh mbështetjen ndërkombëtare duhet të kesh aftësi që ky i ka më shumë se të tjerët. Ndër to janë dhe këto operacionet që shfaqet si një artist, si piktori që po revolucionarizon një vend të prapambetur si Shqipëria dhe e mban këtë narrativë. E mban me lidhjet e tij dhe fuqitë financiare.

Po të shohësh lajmin për Diellën e dha dhe “The Guardian” dhe të nesërmen e morëm vesh se Tony Blair mund të ketë lidhje këtu i përfshirë këtu. Pra është ky netuork që i pengon këta gazetarë që të futen thellë në realitetin shqiptar.

Ti mund të bësh një artikull që në Shqipëri është vendosur një ministër me AI që do të luftojë korrupsionin me tenderat. Si ka mundësi që vendi më i korruptuar në Evropë, na del më i avancuari për të luftuar korrupsionin.

Është e pabesueshme të mendojmë ne që Edi Rama të heqë dorë nga klientela e tij dhe tja lërë një gjykatësi të paanshëm të vendosë se kush do e marrë tenderin.

Nëse do të japësh një leje ndërtimi e do të jesh i ndershëm do të pyeste se ku i siguroi paratë.”, tha Lubonja.