Kryeministri Edi Rama duhej të dorëhiqej pas aferës së inceneratorëve, u shpreh analisti Fatos Lubonja në emisionin “Open”.
Lubonja tha se SPAK duhet të hetojë të gjithë zyrtarët e përfshirë në këtë aferë dhe duhet të shkojë përtej emrit të Arben Ahmetajt.
Ai u shpreh se “Mirel Mërtiri, Klodian Zoto dhe Stela Gugallja kanë kapur gjithë shtetin, ose shteti i ka përdorur këta, nuk kuptohet mirë”.
“Janë skandale që nuk t’i merr mendja… Ky është një grup i strukturuar kriminal për të vjedhur dhe për të bërë qejfe, e jo për t’i shërbyer popullit.
Rama duhej të jepte dorëheqje për mua. Por problemi është shumë i madh. Në një mënyrë ose tjetër, këta janë të gjithë brenda. Mërtiri, Zoto dhe Gugallja kanë kapur gjithë shtetin, ose shteti i ka përdorur këta, nuk kuptohet mirë.
Ta reduktosh gjënë tek Ahmetaj, nuk e di SPAK sesa merret më gjithë këtë si kompleks, dhe sa i ka të ndara këta copa-copa”, tha Lubonja.
Discussion about this post