Nënkryetari dhe deputeti i Partisë Demokratike, Luçiano Boçi ka prezantuar kandidaturën e tij për të garuar në Primaret për Bashkinë e Elbasanit, një ditë pasi demokrati u propozua nga strukturat e qytetit.
Në një konferencë me mediat nga selia blu, Boçi tha se është i ndërgjegjshëm për betejën e vështirë që ka përpara, ndërsa deklaroi se është gati të lërë mandatin për tu futur në garë për Bashkinë.
”I kam borxh mbështetjen, suksesin kohën, çdo njeriu që më ka mbështetur, borxh të rinjve të Elbasanit që sot përjetojnë shpopullimin e dyfishtë, borxh fermerëve, prindërve tanë për një jetë më të mirë, çdo fëmijë i kemi borxh për të sjellë një jetë më të mirë e më të qetë. Në atë frikën time, shqetësimin e kam parë gjithmonë Elbasanin që ka ecur vetëm në dy dimensione gjatë këtyre 2 viteve. Nga e sotmja shkon drejt të shkuarës. Një ecje mbrapsht, ndaj dua të angazhohem bashkë me qytetarët e mi të përpiqemi me durim t’i kthejmë shkëlqimin e dikurshëm. E di shumë mirë që beteja ime nuk është e lehtë, beteja ime është me Edi Ramën, me korrupsionin, me paratë e pista”, tha ai.
I pyetur nëse e ka mbështetjen nga grupi i Enkelejd Alibeajt, ai u shpreh: Dakordësia mes bazës dhe pjesës që pretendon se mban vulën e PD, është e dëshmuar, në pjesëmarrjen e djeshme të demokratëve dhe jo vetëm, kontaktet e mia për çdo person mendon ndryshe, do vazhdojnë të jetë të ngushta, sepse interesi është për qytetarët e Elbasanit. E kam dakordësinë e grupit tjetër”.
Mesa duket pas marrjes së propozimit, Luçiano Boçi ka vendosur që të marrë pjesë në proces, ndërkohë që deri më tani nuk ka asnjë kundërshtar.
Discussion about this post