Ish-presidenti i Shqipërisë, Alfred Moisiu ka dhënë mendimin e tij mbi situatën aktuale të Partisë Demokratike, të cilën e ka cilësuar si luftë brenda llojit. Sipas tij, kjo luftë nuk është gjithmonë e keqe, por megjithatë shfaqi rezerva ndaj Berishës dhe Bashës, duke u shprehur se duhet të mendojnë për Shqipërinë dhe pastaj për veten.
“Sigurisht politika shqiptare është komplikuar, është lufta brenda llojit, por ndonjëherë këto gjëra bëjnë mirë.
Bëjnë mirë sepse edhe brenda llojit duhen hequr ca gjëra që kanë hyrë si kanë hyrë, por tani janë të dëmshme dhe duhen pastruar. Kështu që mendoj se nuk është gjë e keqe”, tha ish-presidenti.
Lidhur me deklaratat e rikthimit të Sali Berishës sërish në drejtimin e Partisë Demokratike, Moisiu u shpreh se çdo njëri ka një periudhë që është aktiv dhe duhet të shërbejë dhe pastaj vjen një moment kur duhet të mënjanohet.
Sipas tij, ajo që po ndodh në PD e dobëson opozitën aktualisht, por megjithatë kur kjo krizë të ketëe përfunduar opozita do të bëhet më e fortë.
“Por mendoj se pasi kjo të kalojë opozita duhet të bëhet më e fortë dhe do të bëhet më e fortë”, tha Moisiu.
Discussion about this post