Presidenti amerikan Donald Trump ka deklaruar se Shtetet e Bashkuara mund të ndërmarrin veprime tokësore në Venezuelë, në kuadër të luftës kundër karteleve të drogës dhe trafikimit të qenieve njerëzore.
“Së shpejti mund do të shohim veprime tokësore të ushtrisë tonë në Venezuelë”, tha Trump gjatë një diskutimi në tryezë të rrumbullakët në Shtëpinë e Bardhë, pa dhënë detaje mbi natyrën ose kohën e mundshme të operacioneve.
Deri më tani, ushtria amerikane ka ndërmarrë bastisje detare kundër anijeve të dyshuara për trafik droge në Karaibe dhe në ujërat pranë Amerikës së Jugut.
Deklarata e presidentit vjen mes rritjes së tensioneve me qeverinë e Nicolás Maduro-s, të cilën Uashingtoni e ka akuzuar për bashkëpunim me organizata kriminale dhe përfshirje në trafikun ndërkombëtar të drogës.
Discussion about this post