Ditën e sotme ish-kryeministri Sali Berisha nis turin me strukturat e Partisë Demokratike nëpër të gjithë Shqipërinë për moslejimin e përjashtimit të tij nga grupi parlamentar dhe kthimin e sovranitetit të PD.
Cikli “Foltorja për një Parti Demokratike më të bashkuar, më të forte dhe më të hapur”, që zhvillohet në orën 18:00 në Hotel Rogner, nis me Tiranën për të vijuar më pas me qytetet e tjera të Shqipërisë.
“Te dashur miq, Ditën e enjte me dt 16 shtator ora 18:00 në Hotel Rogner nisim ciklin e “Foltores për një Parti Demokratike më të bashkuar, më të fortë dhe më të hapur”! Foltorja do të jetë një bashkëbisedim me demokratë dhe demokrate që nis në Tiranë dhe do udhëtoj në mbarë vendin”, shkroi Berisha në Facebook.
Ky cikël takimesh vijnë pasi Lulzim Basha me vendimin e tij personal, vendosi të largojë nga grupi parlamentar ish-liderin historik të PD, Sali Berishën derisa të mbarojë gjyqin me sekretarin e Shtetit, Antony Blinken.
Ish-Kryeministri është shprehur se kjo lëvizje nuk synon krijimin e një Grupi të ri Parlamentar por kushdo, drejtues apo ish-drejtues të PD që dëshiron mund ti bashkohen. Sipas tij, kjo lëvizje bëhet për t’i rikthyer sovranitetin PD dhe ta vendosë në lartësinë e dikurshme.
