Ukraina e ka marrë vetë në dorë mbrojtjen e saj ndaj agresorit rus, edhe për sa i përket sigurimit të materialeve të duhura për të larguar rrezikun e paraqitur nga Kremlini.
Ukraina ka nisur prodhimin e predhave të artilerisë me një vend të NATO-s. Reuters shkruan se këtë e bëri të ditur prodhuesi shtetëror i armëve në Kiev. Detaje se me cilin shtet të NATO-s do të nisi bashkëpunimi nuk u dhanë për arsye sigurie.
Por ajo që u bë e ditur është që ky shtet ndodhet në Evropën qendrore. Në deklaratë thuhej se dy vendet janë bashkuar për të nisur prodhimin e predhave mortajë 20 mm, municione që janë të kërkuara në Ukrainë.
“Emergjenca për këto predha është produkti jonë i parë i bashkëpunimit me një vend të Aleancës. Nuk do të përfundojë me predha, shumë shpejt do t’ju tregojmë produkte të tjera që do të prodhohen me vendet partnere,” tha Natalia Sad, një zëdhënëse e Ukroboronprom. Sad shtoi se ekipe të lëvizshme janë duke punuar për të riparuar 90 deri në 95% të pajisjeve ushtarake dhe automjeteve të blinduara pranë fronit.
Discussion about this post