“Grupi i luftëtarëve Wagner ka filluar të tërhiqet nga Bakhmuti”. – Kështu deklaroi në Telegram, kreu dhe themeluesi i milicisë private ruse, Yevgeny Prigozhin, duke postuar një video me përshëndetje dhe shtrëngime duarsh mes tij dhe ushtarëve me fytyrë të mbuluar.
Lufta në Ukrainë ka arritur në ditën e 456-të. Ditën e sotme, një dron amerikan, sipas disa mediave amerikane, u ngrit nga baza e NATO-s në Sigonella në Siçili, dhe kreu një fluturim zbulimi mbi Detin e Zi, pranë bregut të Krimesë. Ndërkohë, sipas inteligjencës së Kievit, rusët vazhdojnë të sjellin njerëz dhe pajisje pranë secilës prej njësive të energjisë të centralit bërthamor të pushtuar në Zaporizhia , i cili përdoret në mënyrë efektive si bazë logjistike dhe ushtarake.
Gjithashtu bëhet me dije së armët bërthamore jostrategjike ruse po vendosen në Bjellorusi. Moska dhe Minsku janë detyruar të marrin masa në fushën ushtarako-bërthamore, në përgjigje të aktiviteteve të NATO-s në këtë fushë. Kështu u shpreh ministri rus i Mbrojtjes, Sergej Shoigu.
Discussion about this post