“Nga shiu në breshër” është bërë historia e projektit për zgjerimin e hapësirës së varrezave në Tufinë. Bëhet fjalë për 900 milionë lekë dhe oligarkët e tenderëve po përplasen me njeri-tjetrin. Ndërsa Bashkia Tiranë vazhdon me kontratën në shkelje të ligjit. Tenderi me objekt “Zgjerimi i hapësirave të varrezave publike Tufinë” dhe fond limit 91 516 148,00 lekë (të reja) është mbyllur që në dhjetor të vitit 2022. Asaj kohe Bashkia Tiranë shpalli ftues ofertën të paraqitur nga bashkimi i operatorëve “GLAVENICA” shpk & “NGRACAN 1934”.
Menjëherë tenderi mori flamurin e kuq, për shkak se kishte shkelur rregullin për konkurrencën, por Veliaj e injoroi këtë fakt. Pastaj, në Me 26 dhjetor një nga firmat e shkualifikuara “Dajti Park 2007” SHPK, në pronësi të biznesmenit të njohur Lulzim Qefalia, e denoncoi tenderi pranë Komisionit të Prokurimeve.
Bashkia e ka skualifikuar denoncuesin me justifikimin se nuk ka deklaruara punonjës që mund ta përmbushin këtë shërbim. Gjithashtu shkak për skualifikimin është bërë fakti se operatorët duhej të paraqisnin që kanë bërë punime jo të ngjashme në ndërtim, por specifike punime në varreza.
Duke përmendur edhe faktin që Veliaj skualifikoi në fazën e parë 17 firma. Dhe e dha tenderin pa garë fare, Qefalia e denoncoi që të bëhen rishikime në kritere dhe vlerësime. Në datën 2 shkurt, KPP konstatoi se në të vërtetë kontrata është në shkelje të ligjit për shkak e nuk është zhvilluar një garë e rregullt.
Për këtë vendosi të anulonte tenderin dhe i kërkoi Bashkisë Tiranë të ribëj vlerësimin e të gjitha ofertave nga e parë. Si dhe u kërkua që të rihartohen kriteret vlerësuese të tenderit.
Vetëm 2 javë më pas, pa u munduar fare të zbatoi vendimin e KPP, Veliaj e risjellë tenderin.
Në dokumentin e më poshtë shohim se Bashkia Tiranë nuk ka ndryshuar dokumentet, por vetëm fituesin. Për të shpëtuar nga “lufta që kishte nisur Lulzim Qefalia, vëllai i deputeti socialist Xhemal Qefalia, Veliaj ia kalon kontratën firmës së tyre “Dajti Park 2007” SHPK.
Kontrata është lidhur ditën e sotme dhe Open Data Albania e ka klasifikuar sërish me tenderët me flamur të kuq. Edhe pasi KPP ia anuloi tenderin për shkeljet e bëra, Lali Eri “nuk e vë ujin në zjarr” fare dhe e ka zhvilluar sërish tenderin pa garë. Pasi kështu është mësuar dhe Qefalia t’i përfitojë tenderët nga Bashkia Tiranë. Nuk e dimë nëse KPP e ka vënë re që vendimi i saj është shkelur nga Veliaj. Apo edhe këtë herë do të bëjnë sikur nuk vënë re gjë.
Lexo edhe: Korrupsioni i Lali Erit “ha” ushqimin e fëmijëve, denoncohen tenderët 3.4 mld lekë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post