Lufta mes Rusisë dhe Ukrainës po sjellë krizë për furnizim me grurë në disa vende. Në lidhje me këtë ka reaguar sot presidenti i Serbisë, Aleksandër Vuçiç, i cili tha se Serbia nuk do të lejojë që fqinjët të mbesin të uritur. Ai theksoi se në këtë rast Serbia do të ofrojë rezervat e saj. “Kemi marrë tashmë kërkesat e para nga Shqipëria dhe po punojmë për to. Por, nëse thua se Serbia do të ketë bukë, ndërsa Bosnje e Hercegovina jo, kjo do të thotë se as Serbia nuk do të ketë”, tha Vuçiç. Në një intervistë për median serbe “Dnevni Avaz”, Vuçiç sqaroi se Serbia ka rezerva gruri më shumë se sa i nevojiten.
“Natyrisht, ne kemi sasi të mjaftueshme të grurit për Serbinë dhe më shumë, por është e pakuptimtë të thuhet se diçka na mjafton, e që njerëzit fqinjë nuk e kanë. Në këtë drejtim, Serbia do të jetë e hapur. Kemi marrë tashmë kërkesat e para nga Shqipëria dhe po punojmë për to. Por, nëse thua se Serbia do të ketë bukë, e Bosnja dhe Hercegovina jo, kjo do të thotë se as Serbia nuk do të ketë“, tha Vuçiç.
Ky reagim duket se vjen pas deklaratës së lëshuar nga kryeministri Edi Rama ditën e sotme se ky është momenti që të shihet se sa vlen Balkani i Hapur, duke sfiduar Serbinë që të hapë tregun me Shqipërinë për sa i përket furnizimit me grurë. Duke u kujtuar nismën e “Ballkanit të Hapur”, Rama ka theksuar se tashmë është momenti që Serbia të tregojë që kjo nismë e përbashkët vlen po kaq shumë edhe për ata.
Discussion about this post