Sekretari i Përgjithshëm i NATO-s, Jens Stoltenberg ka folur në një konferencë shtypi në Bruksel ku ka komentuar agresionin rus në Ukrainë duke thënë se Rusia nuk ka ndërmend të tërhiqet nga misioni për pushtimin e Kievit.
Sipas Stoltenberg, Moska nuk po heq dorë nga sulmet e saj në Ukrainë, por do të rigrumbullojë forcat për të sulmuar ditët e ardhshme rajonin e Donbasit.
“Ajo që ne shohim tani është një brutalitet në përmasat dhe shtrirjen e luftës që nuk e kemi parë në Europë që nga Lufta e Dytë Botërore. Dhe kjo është jashtëzakonisht serioze. Është e tmerrshme dhe sigurisht që shkakton vuajtje për popullin ukrainas. Por është gjithashtu i rrezikshëm për të gjithë ne. Dhe ne shohim natyrën e luftës së Presidentit Putin, mungesën e respektit të tij për dhe për sundimin e ligjit, për rregullat ndërkombëtare dhe gjithashtu mungesën e respektit të tij për të drejtat themelore të njeriut. Ne shohim tani një lëvizje të konsiderueshme të trupave (ruse) larg Kievit për t’u rigrupuar, riarmatosur dhe rifurnizuar dhe për të zhvendosur fokusin e tyre në lindje. Në javët e ardhshme, ne presim një shtytje të mëtejshme ruse në Ukrainën lindore dhe jugore për të provuar të marrë të gjithë Donbasin dhe për të krijuar një urë tokësore për në Krimenë e pushtuar”, tha sekretari i NATO.
Discussion about this post