Kryetari i bashkisë së Kievit është shprehur se qyteti tani është “i rrethuar” nga forcat ruse. Vitali Klitschko u pyet nga “Associated Press” nëse kishte plane për evakuimin e civilëve nëse trupat ruse kapnin kryeqytetin.
“Ne nuk mund ta bëjmë këtë, sepse të gjitha rrugët janë të bllokuara, për momentin ne jemi të rrethuar” tha ai.
“Sapo po flisja me presidentin. Të gjithë po ndihen keq”, tha Kliczko. Ai shtoi se stafi i administratës ishte i tronditur, por jo i dëshpëruar. “Ne tregojmë karakterin, njohuritë, aftësitë tona. Për të qenë i sinqertë, ne nuk kemi kontroll 100%,” tha Klitschko.
I pyetur për kapacitetin e qytetit për të rimbushur rezervat e pakësuara të ushqimit dhe ilaçeve, Klitscho tha: “Ne jemi në kufirin e një katastrofe humanitare. Tani për tani kemi rrymë, tani kemi ujë dhe ngrohje në shtëpitë tona. Por infrastruktura është e shkatërruar për të ofruar ushqim dhe mjekim.”
Kryetari i bashkisë konfirmoi se nëntë civilë në Kiev ishin vrarë deri më tani, duke përfshirë një fëmijë.
Vitali Klitschko bëri apel për të mbështetur Ukrainën.“Mbështetni Ukrainën, së bashku ne jemi të fortë.Çdo ukrainas është krenar që është i pavarur, krenar që është ukrainas dhe ne jemi krenarë që kemi vendin tonë”, tha ai.
Discussion about this post